Кĕр кунĕсем çитсе тăчĕç, вĕсемпе пĕрле — Пĕтĕм тĕнчери ваттисен кунĕ те. Турханти  вăтам шкулта  та ваттисен кунне уявларĕç.  Икĕ сехет тĕлне хаваспах пухăнчĕç аслă ăрури çынсем.

          Чи малтанах шкулпа паллашрĕç. Шкул директорĕ Валерий Осипов шкулăн  çитĕнĕвĕсемпе çĕнĕлĕхĕсем çинчен каласа кăтартрĕ, пухăннисене  саламларĕ, пурнăçра ырлăх-сывлăх, канлĕ ватлăх, вăрăм кун-çул сунчĕ. Малалла  1-7 -мĕш класра вĕренекенсем концерт лартрĕç. Ачасен пултарулăхне хакласа  куракансем тăвăллăн алă çупрĕç.

Ваттисен кунне хаваслă, усăллă йĕркеленĕшĕн ветерансем ертсе пыракансене чунтан тав туса ăнăçусем сунчĕç.

Çакнашкал савăнăçлă уяв яланлăха вĕсен асĕнче юлĕ.