Турханти вăтам шкулта «Чăваш чĕлхи эрни» ака уăхĕн 23-мĕшĕнче пуçланчĕ. Çак кун ирхине линейкăра ачасене чăваш чĕлхипе литературине вĕрентекенсем  эрне планĕпе паллаштарчĕç. 5-11 класра вĕренекенсем И.Я.Яковлев çинчен презентацисем турĕç. Хатĕр презентацисене шкулти вĕренÿпе воспитани  енĕпе ĕçлекен директор çумĕ  В.Е.Иванов пулăшнипе кино евĕр ăсталаса çыхăнтартăмăр. Паха та интереслĕ видеоматериал пулса тухрĕ. Презентаци тăвас ĕçре палăрнă ачасене эрне вĕçĕнче Хисеп хучĕсем кĕтеççĕ.