Вера Кузьминична Кузьмина  —СССР халăх артисчĕ. 

1947 çулта ГИТИСăн чăваш студинче вĕренсе тухнă. 1958 çулта Чăваш АССР тава тивĕçлĕ артисчĕ, 1967 çулта РСФСР тава тивĕçлĕ артисчĕ, 1975 çулта РСФСР халăх артисчĕ, 1980 çулта СССР халăх артисчĕ ячĕсене тивĕçлĕ пулнă. 1973 çулта унăн ятне Чăваш АССР Ӗç Мухтавĕпе Паттăрлăх Хисеп кĕнекине çырса хунă. Халăх туслăхĕн орденне, 4 степеньлĕ «Тăван çĕршыв умĕнчи тава тивĕçлĕ ĕçсемшĕн» орденĕсене тивĕçлĕ пулнă. 1991 çулта К. В. Иванов ячĕпе хисепленсе тăракан Чăваш Енĕн патшалăх парне лауреачĕ пулнă.

1999 çулхи ноябрĕн 13-мĕшĕнче Раççей Президенчĕ Указĕпе Тăван çĕршывăн театр искусствине аталантарас енĕпе пысăк вăй хунăшăн IV степеньлĕ "Тăван çĕршыв умĕнчи тава тивĕçлĕ ĕçсемшĕн" орденпа наградăланă. Маларах В.К.Кузьмина "Халăхсен туслăхĕ" ордена тивĕçнĕ.

   Ака уйăхĕн 23-мĕшĕнче Чăваш наци библиотекинче СССР халăх артистки Вера Кузьмина ячĕллĕ илемлĕ вулав конкурсĕ иртнĕ. Чăвашла — 69, вырăсла 40 хайлав янăранă уявра.

«Илемлĕ сăмах ăсти» конкурсран  Турхан  шкулĕнче 5-мĕш класра вĕренекен Данил Егоров 1 степеньлĕ  дипломпа таврăннă.

Данил Николай Исмуков çырнă  «Лаштра йăмра» сăввине илемлĕ те ăста каласа тĕлĕнтернĕ. Эпир  Данила чун-чĕререн саламлатпăр, малашне те çакăн пек пултарулăх конкурсĕсенче малти вырăнсене çĕнсе илме сунатпăр!