Шкулсенче вĕренÿ çулĕ пуçланчĕ. Çак вăхатра шкул ачисене уйрăмах пысăк тимлĕх кирлĕ. Ачасен çул-йĕр правилисене пĕлмеллех. Вĕренекенсене çул-йĕр правилисене пăхăнма хăнăхтарас, автоçулсем çинче хăрушсăрлăха ÿстерес тесе Раççей шайĕнче «Хăрушсăрлăх эрни» иртрĕ. Ăна ачасемпе çыхăннă çул-йĕр инкекĕсем пулассине асăрхаттарас тĕллевпе йĕркеленĕ. Унпа килĕшÿллĕн Турханти вăтам шкулта аслă вожатăй Осипова Л.В. «Çул çинче çÿремелли правилăсене пĕлетĕр-и эсир?» мини спектакль йĕркелерĕ. Ăна  кĕçĕн классен умĕнче лартса пама дружина совечĕн членĕсем Осипова Ксенияпа Кириллова Елена  пулăшрĕç. Тĕллевĕ: ачасене çул-йĕр çинчи инкексенчен асăрхаттарасси, урамра хăрушсăрлăх йĕркисене пăхăнма хăнăхтарасси, çул урлă каçмалли правилăсене вĕренсе вĕсене пăхăнасси пулчĕ. Спектакль вăйă, ыйту-хурав меслечĕпе иртрĕ. Ачасем ушкăнсем çине пйланса  тĕрлĕ машина макечĕсене пуçтарчĕç, тупмалли юмахсен тупсăмне тупрĕç, пешеход вырăнĕнче пулса «зебра» урлă тĕрĕс каçма вĕренчĕç. Вĕренекенсем  спектакльте илнĕ пĕлÿпе кулленхи пурнăçра усă курасса шанас килет. Мероприяти вĕçĕнче Осипова Л.В. çуран утакан ачасен çи-пуçĕ е шкул сумкки çинче талăкăн тĕттĕм вăхăтĕнче çутă тавăракан япала пулмалли çинчен асăрхаттарса хăварчĕ.