Патăрьел районĕн Турханти пĕтĕмĕшле пĕлÿ паракан вăтам шкулшăн паян савăнăçлă кун  пулчĕ. Шкула çĕнĕ автобус илсе килчĕç.

      Турхан шкулĕ - районти ватă шкулсенчен пĕри. Ачасем шкула сакăр  ялтан ăс пухма çÿреççĕ. Район, регион шайĕнче  иртекен  тĕрлĕ конкурсра, олимпиадăра  çĕнтерÿçĕсем пулса таврăнаççĕ.  

      Çĕнĕ автобусшăн вĕрентекенсемпе вĕренекенсем, ашшĕ-амăшĕсем Чăваш Республикин Вĕрентÿ министерствине, Патăрьел районĕн  администрацине, Патăрьел районĕн  администрацийĕн вĕрентÿ, çамрăксен политикин, физкультурăпа спорт управленине тав сăмахĕ калаççĕ.